सप्तरीको कोशी ब्यारेजबाट लाखौंको अबैध काठसहित पिकअप गाडी सशस्त्र प्रहरीको नियन्त्रणमा

गामघर डेस्क

राजविराज । सप्तरीको कोशी ब्यारेजबाट लाखौंको अबैध काठसहित सशस्त्र प्रहरीले पिकअप गाडी नियन्त्रणमा लिएको छ ।
सशस्त्र प्रहरी बल नेपाल सुरक्षा बेस भारदहको टाेलीले कोशी ब्यारेजबाट झण्डै १२ लाख भन्दा बढीको अबैध काठसहित पिकअप गाडी नियन्त्रणमा लिएको हाे ।
पश्चिमबाट पूर्वतर्फ गईरहेको प्र.२-०१-००१च ०२६० नम्बरको बोलेरो पिकअप गाडीलाई नियन्त्रणमा लिइएको सशस्त्र प्रहरी बल नेपाल नं. ६ गण हेड क्वाटर सप्तरीका सूचना अधिकृत एव सशस्त्र प्रहरी नायव उपरीक्षक ( डिएसपि )मोहनराज विष्टले बताउनुभयो ।
गाडीमा बिना बिलविजककाे लाेड गरिएको २६ दशमलव ६६ क्यूबिक फिट काठ बरामद सशस्त्र प्रहरीले जनाएको छ ।
यता नियन्त्रणमा लिइएको काठ तथा सवारी साधन आवश्यक कार्वाहीको लागि सव डिभिजन वन कार्यालय कंचनपुर सप्तरीमा बुझाईएको विष्टले जानकारी दिनुभयो ।

प्रकाशित मिति: २०२४-०१-१४ , समय : ११:१०:२५ , १२ महिना अगाडि