मधेस प्रदेश : विदाको दिन सरकारी सवारी चलाउन सिडिओ कार्यालयको पास अनिवार्य 

गामघर डेस्क

सिरहा । सरकारी सवारी साधनको दुरुपयोग बढन थालेको भन्दै जिल्ला प्रशासन कार्यालय सिरहाले अनिवार्य पासको नियम लागू गरेको छ । 

विदाको दिन समेत सरकारी सवारी साधनको बिगबिगी चलेपछि व्यापक जनगुनासोको आधारमा विदाको दिन सवारी चलाउनु परे सिडिओ कार्यालयबाट कारणसहितको पास लिनुपर्ने नियम लागू गरेको छ । 

सिरहाका सहायक प्रमुख जिल्ला अधिकारी नरेश कुमार यादवले शनिबार एक सूचना जारी गर्दै जिल्ला प्रहरी कार्यालय सिरहा र जिल्ला ट्राफिक प्रहरी कार्यालय लहानलाई बोधार्थ गर्दै यस उपर निगरानी बढाउन निर्देशन दिएको हो । 

विदाको दिनमा समेत घरासयी कामकाज, नीजि प्रयोजनको लागि सरकारी सवारी साधनको दुरुपयोग बढेको भन्दै प्रशासनले पास नलिई सवारी चलाएमा कानुन बमोजिम कारवाही हुने चेतावनी दिएको हो ।

प्रकाशित मिति: २०२४-०१-०७ , समय : १०:४५:५१ , 1 year अगाडि