जनकपुरधामबाट सुनकाे गरगहना सहितकाे भार भारतकाे अयोध्या पठाइयो

गामघर डेस्क

जनकपुरधाम ।
भारतको अयोध्यामा नव निर्मित राम मन्दिरको प्राण प्रतिष्ठाका लागि जनकपुरबाट कोसेली(भार) उपहार पठाइएको छ ।

कोसेलीमा चाँदीको धनुष वाण, सीताको पादुका, वस्त्र, आभूषण, फर्निचर, भाँडावर्तन, मिठाई, फलफूलसहितका परिकार पठाइएको हो ।

कोसेलीसहितको लागि जाने टोलिलाई जानकी मन्दिर परिसरबाट जानकी मन्दिरका महन्थ रामतपेश्वर दास वैष्णव, मुख्यमन्त्री सरोजकुमार यादव, पूर्व उपप्रधानमन्त्री एवं नेपाली कांग्रेसका नेता विमलेन्द्र निधि सहितले बिदाई गरेका हुन् ।
हुलाकी राजमार्ग हुँदै जलेश्वर, मलंगवा, गौर, कलैया हुँदै वीरगञ्ज पुगेर टोलिले बिश्राम गर्ने छ ।
भोलि शुक्रबार बिहान भारतको रक्सौल हुँदै अयोध्या प्रस्थान गर्नेछ । जनवरी ५ तारिखमा जनकपुरको टोली अयोध्या पुग्ने छ । अयोध्या पुगेको भोलिपल्ट जनकपुरको कोसेली अयोध्यास्थित रामजन्मभूमि तीर्थ क्षेत्र ट्रष्टलाई हस्तान्तरण गर्ने जानकी मन्दिरका छोटे महन्थ रामरोशन दास वैष्णवले जानकारी दिए ।

जनवरी २२ तारिखमा भारतको अयोध्यामा निर्माण गरिएको भगवान रामको मन्दिरमा प्राण प्रतिष्ठाको कार्यक्रम छ ।

यता प्राण प्रतिष्ठानका लागि नेपालका पवित्र जलासयबाट संकलन गरिएको जल पनि अयोध्या पठाइएको छ ।

प्रकाशित मिति: २०२४-०१-०४ , समय : १६:५२:४७ , १२ महिना अगाडि