सप्तरीमा एकै दिन दुई घरमा चोरी , गरगहना सहित लाखौंको चोरी

गामघर डेस्क

राजविराज ।
सप्तरीको तिलाठी कोइलाडी गाउँपालिकामा चोरीको घटना वृद्धि भएको पिडितले बताएको छ । विहीबार राति तिलाठी कोईलाडी गाउँपालिका वडा नम्बर ७ मंसापुरमा राति एकै दिन दुई जनाको घरमा चोरी भएको हो ।
यसरी चोरी हुनेमा रामचन्द्र मण्डलको पूर्व पट्टीको कोठामा कोही न रहेको मौका छोपी चोरी भएको छ । चोरहरूले घरभित्र रहेको दराजको ताल्चा फोडी दराज भित्ररहेको नगद २ लाख १० हजार सुनको अंगुठी आठआना , पायल एक जोडी , १० भरी ,दुई आनाको नाकको सुनको फुली, चाँदीको वाला १० भरी ,गरगहना र नगद लगायत सर सामानहरू चोरहरूले चोरी गरिएको पीडित मण्डलले सञचारकर्मीलाई बताउनुभयो ।
यस्तै सोही राति एकल महिला जोखनी देवी मण्डलको घरमा कोई नभएको मौका छोपी घरभित्र पसी काठको बाकस घरको पश्चिम बाँसको घारीमा लगी ताल्चा फुटाई सो भित्र रहेको ४० हजार नगद, चार आना सुनको वाली, चाँदीको गोप, १० भरी लगायत सरसमानहरू लगेको पीडित जोखनी देवीले बताइन ।

प्रकाशित मिति: २०२३-११-१७ , समय : १६:४५:१७ , १ वर्ष अगाडि