सप्तरीमा मोटरसाइकलको ठक्करबाट एक महिलाको मृत्यु

गामघर डेस्क

राजविराज ।
सप्तरीमा मोटरसाइकलको ठक्करबाट एक महिलाको मृत्यु भएको छ ।

सोमबार राति करिब पौने ९ बजेको समयमा सप्तरीको सुरुङगा नगरपालिका २ भेडिया स्थित कदमाहा गाईगाट सडक खण्डमा भेडियादेखी कडोरवातर्फ जाँदै गरेको मोटरसाइकलको ठक्करबाट स्थानीय अघनिया देवी कोईरीको मृत्यु भएको जिल्ला प्रहरी कार्यालय सप्तरीले जनाएको छ ।

सुरुङगा नगरपालिका वडा न.३ बस्ने निश्चल चौधरीले चलाएको प्र–२–०१–००२ प २३४८ नम्बरको मोटरसाइकलको ठक्करबाट घाइते भएकी अघनियालाई सिरहाको लाहानमा समान्य उपचार पश्चात थप उपचारको लागी बिराटनगरतर्फ पठाएकोमा बिराटनगर तर्फ लाने क्रममा सप्तरीको अहीर अस्पताल प्रा.ली. महुली सप्तरीमा इसिजी गर्दा चिकित्सकले ११ बजेरातिमा मृत घोषणा गरेको प्रहरीले जनाएको छ ।
यता मोटरसाइकल चालक प्रहरी नियन्त्रणमा रहेको तथा यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०९-१३ , समय : ११:५३:२६ , १ वर्ष अगाडि