भारतमा अवैध पटाका कारखानामा विष्फोट हुँदा ७ जनाको मृत्युु
मिति: २०२३-०८-२८ , समय : १३:१५:३२ , गामघर डेस्क
तस्बिर : एजेन्सीबाट
गामघर डेस्क
भारत । भारतको पश्चिम बङ्गालको उत्तर–२४ परगना जिल्लाको दत्तापुकुरमा एउटा अवैध पटाका उत्पादन कारखानामा विस्फोट भएको छ ।
विस्फोटमा परेर कम्तिमा ७ जनाको ज्यान गएको छ ।
अरु केही व्यक्ति घाइते भएका अग्नी नियन्त्रण कार्यालयका अधिकृत आशिष घोषले बताएको भारतीय सञ्चारमाध्यमले जनाएका छन् ।
दुई तले घरमा भएको विस्फोटमा भवनका मालिक पनि गम्भीर घाइते भएका छन् ।
घाइतेको बारासातमा रहेको अस्पतालमा उपचार भैरहेको छ ।
पश्चिम बंगालमा अवैध पटाका कारखानामा हुने विस्फोटको यो पहिलो घटना होइन ।
राज्य सरकारले अवैध पटाका उत्पादन रोक्न पर्याप्त कारबाही नगरेको आरोप लाग्दै आएको छ । एजेन्सी
प्रकाशित मिति: २०२३-०८-२८ , समय : १३:१५:३२ , १ वर्ष अगाडि
