मधेस प्रदेश : महोत्तरीमा ५५ वर्षीय पुरुषको शव फेला

गामघर डेस्क

महोत्तरी । मधेस प्रदेशकाे महोत्तरी जिल्लामा आँपको बगैँचामा एक पुरुषको शव फेला परेको छ ।

मंगलबार साँझ महोत्तरीको मटिहानी नगरपालिका वडा न.६ स्थित जलेश्वर तर्फबाट पर्सापतैली जाने बाटोको बाँयापट्टी रहेको आँपको बगैँचामा मटिहानी ७ का ५५ वर्षीय सुरेश साह केशरा मृत अवस्थामा फेला परेको जिल्ला प्रहरी कार्यालय महोत्तरीले जनाएको छ ।

यता प्रादेशिक अस्पताल जलेश्वरमा शवको पोष्टमार्टम पश्‍चात आफन्तहरूले जिम्मा लगाइएको तथा यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।

प्रकाशित मिति: २०२३-०३-०१ , समय : १७:३०:०५ , २ वर्ष अगाडि