मधेश प्रदेश : सिरहाबाट ब्राउन सुगरसहित एकजना पक्राउ
मिति: २०२३-०७-२९ , समय : १३:४६:५५ , गामघर डेस्क
तस्बिर : सामाजिक सन्जालबाट
गामघर डेस्क
सिरहा ।
सिरहा प्रहरीले ब्राउन सुगरसहित एकजनालाई पक्राउ गरेको छ ।
पक्राउ पर्नेमा सिरहाको लहान नगरपालिका २२ लवटोलीका २९ वर्षीय दिनेश यादव रहेको जिल्ला प्रहरी कार्यालय सिरहाले जनाएको छ ।
लागूऔषध ब्राउन सुगर बिक्रि वितरण भइरहेको गोप्य सूचनाको आधारमा ईलाका प्रहरी कार्यालय लहान सिरहाबाट खटेको प्रहरी टोलीले यादवकै घरमा फेला पारी शरिर चेकजाँच गर्दा लगाएको पाईन्टको अगाडीको दाहिने साईडको गोजीमा सुर्य चुरोटको बट्टा भित्र खैरो रङ्गको ब्राउन सुगर जस्तो देखिने पदार्थ कालो पलाष्टिकमा २ वटा पुरिया बनाई बाधी राखेको अवस्थामा फेला परेको जिल्ला प्रहरी कार्यालय सिरहाका प्रवक्ता एव प्रहरी नायव उपरीक्षक रविन्द्र राज पाण्डेले जानकारी दिनुभयो ।
प्रहरीले बरामद गरेको ब्राउन सुगरको तौल गर्दा ३ ग्राम ६ सय मिलिग्राम रहेको र उनको साथ बाट २१ हजार ८२० रुपैयाँ तथा मोबाईल समेत बरामद गरेको प्रहरीले जनाएको छ ।
यता साे सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।
प्रकाशित मिति: २०२३-०७-२९ , समय : १३:४६:५५ , १ वर्ष अगाडि
