कोशी प्रदेशमा नयाँ सरकार गठनकाे आह्वान

गामघर डेस्क

विराटनगर । कोशी प्रदेशका प्रदेश प्रमुख परशुराम खापुङले पाँच दिन समय दिएर नयाँ सरकार गठनको आह्वान गर्नुभएको छ ।

उहाँले संविधानको धारा १६८ (२) अनुसार दुई वा दुईभन्दा बढी दलको समर्थनमा मिलीजुली सरकार गठनका लागि आह्वान गर्नुभएको हो । अब दलहरुले असार २१ गतेसम्म प्रदेश सभाका बहुमत सदस्यको समर्थनमा मुख्यमन्त्री प्रस्ताव गर्नुपर्नेछ ।

शुक्रवार एमाले नेता हिक्मतकुमार कार्की प्रदेश सभाबाट विश्वासको मत नपाएपछि पदमुक्त हुनुभएको हो ।

यता कोशी प्रदेशमा बहुमत पुर्याउन विपक्षी दलहरु राप्रपालाई आफूहरुको गठबन्धनमा सहभागी गराउन प्रयास गरिरहेका छन् ।

प्रकाशित मिति: २०२३-०७-०२ , समय : २१:२३:३७ , 2 years अगाडि