सप्तरीमा भएको छुट्टाछुट्टै सवारी दुर्घटनामा तीन जनाकाे मृत्युु,एक दर्जन गम्भीर घाइते

शुभ नारायण यादब

सप्तरी । सप्तरीमा भएको छुट्टाछुट्टै सवारी दुर्घटनामा तीन जनाकाे मृत्युु भएको छ । साेहि क्रममा सप्तरीकाे कंचनरुप नगरपालिका वडा न. – ९ बिष्णु मन्दिर नजिक पुर्ब पश्चिम राजमार्गमा पश्चिम बाट पुर्ब तर्फ आउदै गरेको स्कारपियो र बिपरित दिशा तर्फ जादै गरेको घोडा बोकेको बोलोरो पिकअप एक आपसमा ठक्कर खादा एक महिला सहित दुई जनाकाे मृत्युु भएको हाे । मृत्युु हुनेमा स्कारपियाेमा सवार सुनसरीकाे दुहबी नगरपालिका वडा न.३ बस्ने संजय चौधरीको श्रीमति ४५ बर्षिया राजकुमारी चौधरी तथा साेहि ठाउका ४० बर्षिय हरेराम साह हलुवाईको मृत्यु घटना स्थलमा मृत्यु भएको जिल्ला प्रहरी कार्यालय सप्तरीले जनाएको छ ।

यता बोलोरो पिकअपमा रहेका २ वटा घोडा एउटा गाडिमा र एउटा उछिटिएर जमिनमा लडि घटना स्थलमा मृत्यु भएको छ भन्ने दुवै गाडिमा सवार तत्काल नाम थर वतन नखुलेको १२ जना घाईते समेत भएको सप्तरी प्रहरीले जनाएको छ । यता घाइतेहरुकाे तत्काल उपचारको लागि स्थानिय धर्मेश्वर अस्पताल ठेलिया सप्तरीमा पठाईएको तथा घटनास्थलमा ईलाका प्रहरि कार्यालय कन्चनपुरवाट खटिएको टोलिले उद्दार गरिएको छ ।
घाइते १२ जनालाई स्थानीय अस्पतालमा उपचार हुन नसकेपछि थप उपचारको लागि बिराटनगर तर्फ रेफर गरिएको प्रहरीले जनाएको छ । त्यसेगरि सप्तरीकाे हनुमाननगर कंकालिनी नगरपालिका वडा न. ३ पोर्तहा स्थित पुर्ब पश्चिम राजमार्गमा पश्चिम बाट पुर्व तर्फ आउदै गरेको भारतिय नं. को कारले पैदल यात्रिलाई ठक्कर दिदा एक जनाकाे मृत्युु भएको छ । ठक्करबाट तत्काल नाम,थर,वतन नखुलेको ३५ बर्षिय एक पुरुष रहेको प्रहरीले जनाएको छ ।ठक्करबाट घाईते भई उपचारको लागी भारदह अस्पताल भारदह सप्तरीमा ल्याईएकोमा उपचारको क्रममा मृत्यु भएको सप्तरी प्रहरीले जनाएको छ । यता ठक्कर दिने कार र कार चालक देश भारत सुपोल जिल्ला भिमनगर बस्ने ४९ बर्षिय राहुल सिंह प्रहरी नियन्त्रणमा रहेको तथा घटनाको थप आवश्यक कानूनि प्रकृया जारी रहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०२-२८ , समय : ०८:१५:०८ , २ वर्ष अगाडि