अस्ट्रेलियामा बस दुर्घटना हुदा १० जनाको मृत्यु

गामघर डेस्क

अष्ट्रेलिया ।
अस्ट्रेलियाको सिड्नीनजिकै भएको एउटा क्षेत्रमा विवाह समारोहमा आएका पाहुना चढेको बस अनियन्त्रित भई पल्टिँदा १० जनाको मृत्यु भएको छ । स्थानीय एक बगैँचामा विवाह समारोहबाट आएका पाहुनालाई लिएर जाँदै गर्दा उक्त बस दुर्घटनामा परेको हो ।

बस चोकको प्रवेशद्वारमा ठोक्किएपछि फुटपाथमा पल्टिएको थियो । दुर्घटनापछि एक दर्जनभन्दा बढी आपत्कालीन कामदार घटनास्थलमा पुगेका र उनीहरूले २० जनाभन्दा बढीलाई अस्पताल पुर्‍याएका थिए । एक घाइतेको अवस्था गम्भीर रहेको प्रहरीले जनाएको छ ।

सामाजिक सञ्जालमा सेयर गरिएको विवाहको तस्बिरमा दुर्घटना हुनुभन्दा केही घन्टाअघि स्थानीय पाहुनाले बगैँचाको खाली भागमा भेला भई तस्बिर खिचाएका देख्न सकिन्छ । एजेन्सीबाट

प्रकाशित मिति: २०२३-०६-१३ , समय : ११:२४:०३ , २ वर्ष अगाडि