मधेस प्रदेश : इनारमा डुबेर एकजनाको मृत्यु

गामघर डेस्क

जनकपुर । मधेस प्रदेशको धनुषामा इनारमा डुबेर एकजनाको मृत्यु भएको छ ।

जिल्लाको मिथिला नगरपालिका वडा न.७, ढल्केवरका ३५ वर्षिय घुरण यादवको घर नजिकैको इनारमा खसेर मृत्यु भएको हो ।

इनारभित्र मोटर पम्प जडान गर्ने क्रममा सन्तुलन बिग्रेर यादव इनारमा खसेको प्रहरीले जनाएको छ ।

इलाका प्रहरी कार्यालय ढल्केवरका प्रहरी निरीक्षक कवीन राईका अनुसार इनारमा खसेर गम्भीर घाइते भएका यादवको उपचारको क्रममा लालगढस्थित मोडेल अस्पतालमा मृत्यु भएको हो ।

प्रकाशित मिति: २०२३-०५-३० , समय : १६:१०:३० , २ वर्ष अगाडि