सप्तरीमा माेटरसाइकलको ठक्करबाट मण्डल महिलाको मृत्यु

गामघर डेस्क

राजविराज । सप्तरीको बाेदेबरसाइन–राजविराज सडक खण्ड अन्तरगत शम्भुनाथ नगरपालिका १२ स्थित अर्नाहा चौकमा मोटरसाइकलको ठक्करबाट एक जना महिलाको मृत्युु भएको छ । जिल्लाकाे बोदेबरसाईनबाट राजबिराज तर्फ आउदै गरेको स १० प ४३०४ नम्बरको मोटरसाइकलले पैदल यात्री लालबाबु मण्डलको ३५ बर्षीय श्रीमती बबिता देवी मण्डललाई ठक्कर दिएको थियो ।

यता ठक्करबाट टाउको पछाडिमा चोट लागेर गम्भिर घाईते भएका बबिताको तत्काल राजविराज स्थित छिन्नमस्ता अस्पतालमा उपचारको लागि लगिएको तथा त्यहा उपचार हुन नसक्दा थप उपचारको लागि बिराटनगर न्युरो लगिएको थियो । विराटनगरमा उपचारको क्रममा आज बिहान उनकाे मुत्य भएको जिल्ला प्रहरी कार्यालय सप्तरीले जनाएको छ ।

यसेबिच मोटरसाइकल चालक सप्तरीके बोदेबर्साईन नगरपालिका वडा न. ५ भाटिन टोल बस्ने मो.अख्तर फरार रहेको तथा चालककाे खोजी कार्य तिव्र रुपमा भईरहेको जिल्ला प्रहरी कार्यालय सप्तरीका डिएसपि एव प्रबक्ता नरेश कुमार सिहले जानकारी दिनुभयो ।

प्रकाशित मिति: २०२३-०५-२९ , समय : १५:४४:०१ , २ वर्ष अगाडि