राजविराजमा एकजना पुरुषको शव झुन्डिएको अवस्थामा फेला : हत्या भएको अाशङ्का

गामघर डेस्क

राजविराज । सप्तरीकाे सदरमुकाम राजविराजमा एकजना पुरुषको शव झुन्डिएको अवस्थामा फेला परेको छ। राजविराज नगरपालिका वडा न. ७ बस्ने अन्दाजी ५० वर्षीय किशोर गुप्ताको शव आफ्नै सुत्ने कोठामा फेला परेको जिल्ला प्रहरी कार्यालय सप्तरीले जनाएको छ।
गएराति गुप्ताको शव बासको डलोमा साडीको पास लगाई झुन्डिएको अवस्थामा फेला परेको प्रहरीले जनाएको छ । यता साे घटनाबारे स्थानीयबासिहरुले नजिकै रहेको वडा प्रहरी कार्यालयलाई जानकारी गराउन साथ घटनास्थलमा प्रहरी पुगेका थिए ।
स्थानीय प्रत्यक्षदर्शीले शव शंकास्पद रहेको बताएका छ। उनीहरुले साे घटना रहस्यमय रहेकाले सुक्ष्म अनुसन्धान हुनुपर्ने बताएका छ्न।
यता जिल्ला प्रहरी कार्यालय सप्तरीकाे टोलीले मुचुल्का उठाई शवलाई पोस्टमार्टमका लागी गजेन्द्रनारायण सिंह अस्पताल राजविराजमा राखिएको छ। यसेबिच साे घटना सम्बन्धमा थप अावश्यक अनुसन्धान कार्य भईरहेको प्रहरीले जनाएको छ।

प्रकाशित मिति: २०२३-०५-२९ , समय : १२:००:१८ , २ वर्ष अगाडि