सप्तरीमा बोक्सी आरोपमा महिलामाथि कुटपिट

सप्तरीमा बोक्सी आरोपमा महिलामाथि कुटपिट

शुभ नारायण यादव,सप्तरी । पछिल्लोपटक बोक्सी आरोपमा महिलाहरुमाथि कुटपिटको घटना निकै बढेको छ । साेहि क्रममा सप्तरीमा स्थानीयहरुले एक महिलामाथि कुटपिट गरेको छ ।

सप्तरीको बलान विहुल गाउँपालिका वडा ३ कि सोसिता दासलाई कथित बोक्सीको आरोपमा स्थानीयहरूले निर्घात कुटपिट गरेका छन् ।

गोबरको गुइँठा बनाउँदै गरेकी सोसितालाई बाख्रा हराएको निहुँमा बोक्सी भन्दै छिमेकी रामकुमार दासको श्रीमती जमुना दास, भोपिन्द्र दासको श्रीमती रामकुमारी दास, भोपिन्द्र दास को छोरी मङ्ली भन्ने सीता दासको समूहले थुपारिएको गोबरभित्र टाउको घुसार्दै कुटेको पीडितको ससुरा देव नारायण दासले बताएका छन ।

बुधवार छिमेकीहरू मिलेर आफ्नी बुहारीलाई झुटो आरोप लगाई कुटपिट गरेको उनले बताए । उनका अनुसार प्रहरीमा निवेदन दिन खोज्दा वडाध्यक्ष राज किशोर यादवले प्रहरीमा निवेदन दिनुपर्दैन भनेर धम्क्याएका छन् । यता साे बिषयमा बुझ्ने कार्य भइरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०२-१८ , समय : १८:११:४० , २ वर्ष अगाडि