गाई काटेको आरोपमा प्रहरीले चार जनालाई पक्राउ गरे

गामघर डेस्क

विराटनगर । मोरङको केरावारी वाट चार जनालाई पक्राउ गरेको छ । राष्ट्रिय जनावर गाई काटेको आरोपमा चार जनालाई प्रहरीले पक्राउ गरेको हो ।
पक्राउ पर्नेमा माेरङ्गकाे केराबारी गाउँपालिका–३ की ३७ वर्षीया पवित्रा तामाङ, ५० वर्षीया नीरमाया तामाङ, केराबारी–७ का २३ वर्षीय सन्तोष लिम्बू र २२ वर्षीया मञ्जु लिम्बू रहेको मोरङ प्रहरीले जनाएको छ ।
केराबारी–३ साइ डाँडामा गाई काटेको सूचनाका आधारमा खटिएको इलाका प्रहरी कार्यालय बेलबारीका प्रहरी निरीक्षक उदय शम्शेर राणा नेतृत्वको टोलीले उनीहरुलाई पक्राउ गरेको हो ।मोरङ प्रहरीका प्रवक्ता डीएसपी रन्जनकुमार दाहालका अनुसार ४ जनालाई बिहीबार राति ८ बजेतिर पक्राउ गरिएको हो । यता पक्राउ परेकाको घरबाट गाईको मासु, टाउको र खुट्टा बरामद भएको प्रहरीले जनाएको छ ।

प्रकाशित मिति: २०२३-०५-१९ , समय : १५:३०:५० , २ वर्ष अगाडि