सिरहाबाट अबैध लागूऔषध गाँजासहित दुई युवक पक्राउ
मिति: २०२३-०५-०६ , समय : १५:५९:१० , गामघर डेस्क
फाइल फाेटाे
गामघर डेस्क
सिरहा ।
पछिल्लोपटक मधेस प्रदेशका जिल्लाहरुमा अबैध लागुअाेषध काराेबार निकै फष्टाएकाे छ । साेहि क्रममा अबैध लागूऔषध गाँजासहित सिरहाबाट दुई जना पक्राउ परेका छन् ।
मधेस प्रदेशकाे सिराहाको गोलबजार नगरपालिका वडा न. ४ शिवमन्दिर नजिकबाट १३ केजी ८ सय ४० ग्राम गाँजा सहित गोलबजार १ मुक्सारका २६ वर्षीय महेन्द्र साह र वार्ड नम्बर २ का ३६ वर्षीय श्याम कुमार साहलाई प्रहरीले पक्राउ गरेको हो ।
विशेष सूचनाको आधारमा गोलबजार ४ शिवचौक नजिक पार्किङ गरिराखेको प्र.२–०१–००२ ह. ०२९८ नम्बरको अटोमा लुकाइछिपाई राखेको ५ किलो ८ सय ४० चालीस ग्राम गाँजासहित महेन्द्र साह र प्र. २–०१–००१ ह. १०५६ नम्बरको अटोमा लुकाइछिपाई राखेको ८ किलो गाँजासहित वडा नम्बर २ का श्याम कुमार साहलाई नियन्त्रणमा लिएको जिल्ला प्रहरी कार्यालय सिराहाले जनाएको छ ।
केन्द्रीय अनुसन्धान लागु औषध विशेष ब्युरो र इलाका प्रहरी कार्यालय गोलबजारका निमित्त प्रमुखको कमान्डमा खटिएको टोलीले गाँजासहित दुई जनालाई नियन्त्रणमा लिएको जिल्ला प्रहरी कार्यालय सिराहाका सूचना अधिकारी डिएसपी रवीन्द्रराज पाण्डेले जानकारी दिए ।
यता साे सम्बन्धमा थप अनुसन्धान भइरहेको प्रहरीले जानकारी दिएको छ ।
प्रकाशित मिति: २०२३-०५-०६ , समय : १५:५९:१० , २ वर्ष अगाडि
