आगलागीमा परेर दुई जना बालककाे मृत्युु ,१४ घर जलेर नष्ट

गामघर डेस्क

काठमाडौं । पाँचथरको हिलिहाङ गाउँपालिका-७ मा आगलागीमा परेर दुई जना बालककाे ज्यान गएको छ ।

शुक्रवार आज दिउँसो करिब २ बजे हिलिहाङ-७ यवाडाँडाका प्रेम पन्धाकको घरमा आगलागी हुँदा पन्धाकका पाँच वर्षीय छोरा सेसेहाङ पन्धाक र सन्तोष खातीका चार वर्षीय छोरा निशान खातीको ज्यान गएको हो।

दिउँसो अभिभावक जङ्गल गएकाे समयमा उनीहरु मात्रै घरमा रहेकाे बेला आगलागी भएकाे हाे ।

आगलागीकाे कारण भने खुल्न नसकेकाे वडाध्यक्ष धनकुमार लिम्बूले बताउनुभयो । आगलागीबाट घर पूर्ण रुपमा जलेकाे उहाँले जानकारी दिनुभयाे ।

त्यसेगरि तेह्रथुमकाे आठराई गाउँपालिका–६ चुहानडाँडाको हात्तीखर्कमा भीषण आगलागी भएकाे छ । आगलागीबाट अहिलेसम्म १४ वटा घर जलेर नष्ट भएका छन् । आगलागीबाट अझ धेरै क्षति भएको हुनसक्ने आठराई गाउँपालिकाका अध्यक्ष दिलकुमार पाहिमले बताउनुभएको छ।

यो आगो हात्तीखर्क गाउँको बस्तीमा फैलिएको हो । आगो निभाउन प्रहरी र स्थानीय बासिन्दा खटिएका गाउँपालिका अध्यक्ष पाहिमले बताउनुभयो ।

यता आगलागीको कारण भने खुल्न सकेको छैन ।

प्रकाशित मिति: २०२३-०२-२५ , समय : ०६:४२:२३ , २ वर्ष अगाडि