सप्तरीमा माेटरसाइकल दुर्घटना हुँदा एकजनाको मृत्यु

गामघर डेस्क

राजविराज । मधेस प्रदेशकाे सप्तरीमा मोटरसाइकल दुर्घटना हुँदा एकजनाको मृत्यु भएको छ ।

बिहिबार दिउँसो करिब १२ बजे सप्तरीको बोदेबर्साइन नगरपालिका वडा न.२ बैरिया स्थित बिषनपुर बोदेबर्साइन सडक खण्डमा उत्तरबाट दक्षिणतर्फ जाँदै गरेको को.१७ प ९४७५ नम्बरको मोटरसाइकल आफै अनियन्त्रित भएर दुघंटना हुँदा मोटरसाइकल चालकको मृत्यु भएको जिल्ला प्रहरी कार्यालय सप्तरीले जनाएको छ ।

दुघंटनामा परेर मोटरसाइकल चालक सप्तरीको बाेदे बर्साइन नगरपालिका वडा न. ५ भाटिन बस्ने १७ वर्षीय सागर पंडितको मृत्यु भएको हो । घाइते भएका उनलाई उपचारको लागि जिवन जयोति अस्पताल बोदेबर्साइन सप्तरीमा लगिएकोमा ईसिजि गर्दा चिकित्सकले मृत घोषणा गरेको हो ।

यस्तै, मोटरसाइकलको पछाडिमा सवार स्थानीय १५ वर्षीय सुमित पंडित घाइते भएका छन् । उनको अस्पतालमा उपचार भइरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०४-०६ , समय : १५:२८:२२ , २ वर्ष अगाडि