जसपा नेपालका मन्त्री छान्ने जिम्मा उपेन्द्र यादवलाई
मिति: २०२३-०३-३० , समय : १८:१२:१८ , गामघर डेस्क
फाइल फाेटाे
गामघर डेस्क
काठमाडौँ ।
जनता समाजवादी पार्टी (जसपा) नेपालले पार्टीका अध्यक्ष उपेन्द्र यादवलाई सरकारमा जाने मन्त्रीहरु छान्ने जिम्मा दिएको छ ।
आज बसेको पार्टी संसदीय दलको बैठकले यादवलाई मन्त्री छान्ने अधिकार दिएको हो ।
बैठकमा अध्यक्ष यादवले पार्टीले दुई मन्त्री र एक राज्यमन्त्री पाउने गरी गठबन्धनमा छलफल भएको ब्रिफिङ गरेका छन् । सोहीअनुसार गठबन्धनमा छलफल भएको र आजै दलहरुसँग छलफल गरेर अन्तिम टुंगो लाग्ने यादवले बताएका छन् ।
अब यादवले मन्त्री छानेर प्रधानमन्त्री प्रचण्डलाई बुझाउने छन् ।
प्रकाशित मिति: २०२३-०३-३० , समय : १८:१२:१८ , २ वर्ष अगाडि
