सप्तरीमा मदिरा सेवन गरेर मोटरसाइकल चलाउँदा दुर्घटनामा, दुईजना घाइते

गामघर डेस्क

राजविराज ।
सप्तरीमा मदिरा सेवा गरि चलाएको मोटरसाइकल आफै अनियन्त्रित भएर दुर्घटना हुँदा दुईजना घाइते भएका छन् ।

गएराति करिब साढे ९ बजेको समयमा सप्तरीको महादेवा गाउँपालिका वडा न.१ चिम्टि स्थित हुलाकी मार्गमा पुर्वबाट पश्चिमतर्फ जाँदै गरेको अनटेस्ट मोटरसाइकल आफै अनियन्त्रित हुँदा दुर्घटना भएको जिल्ला प्रहरी कार्यालय सप्तरीले जनाएको छ ।

साे दुर्घटनामा परेर मोटरसाइकल चालक सिरहाको कल्याणपुर नगरपालिका वडा न.८ मझव बस्ने १८ वर्षीय रोशन कुमार चौधरी र मोटरसाइकलको पछाडि सवार सप्तरीको सुरुङगा नगरपालिका २ बौना टोल बस्ने २० वर्षीय राज किशोर सदा घाइते भएको जिल्ला प्रहरी कार्यालय सप्तरीका डिएसपि एव प्रवक्ता नरेशकुमार सिंहले जानकारी दिनुभयो ।

उनका अनुसार दुबै युवकले मदिरा सेवन गरेर मोटरसाइकल चलाइरहेका थिए ।

यता घाइते भएका दुबैजनाको गजेन्द्र नारायण सिंह अस्पताल राजबिराज सप्तरीमा उपचार भईरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०३-२२ , समय : १४:००:५८ , २ वर्ष अगाडि