सप्तरीमा सामाजिक उत्तरदायित्व कार्यक्रम अन्तर्गत सिटिजन बैंकद्वारा विद्यालयलाई सिलिङ पंखा हस्तान्तरण

रबि शर्मा

हनुमाननगर । सामाजिक उत्तरदायित्व कार्यक्रम अन्तर्गत सिटिजन बैंक फत्तेपुर शाखाले सप्तकोशी नगरपालिका वडा नम्बर १० भगनी मलेठस्थित श्री जनता माध्यमिक विद्यालयलाई १० थान सिलिङ पंखा हस्तान्तरण गरेको छ।
शुक्रबार आयोजित एक विशेष कार्यक्रममा बैंकका कर्मचारीहरू तथा विद्यालयका शिक्षक-शिक्षिका एवं कर्मचारीहरूको उपस्थिति रहेको थियो। उक्त हस्तान्तरण कार्यक्रमले विद्यालयका विद्यार्थीहरूलाई अध्ययनमा सहज वातावरण उपलब्ध गराउने विश्वास गरिएको छ।

सिटिजन बैंकले सामाजिक उत्तरदायित्व अन्तर्गत शिक्षाको प्रवर्द्धनका लागि विभिन्न कार्यक्रमहरू गर्दै आएको छ। बैंकका प्रतिनिधिहरूले आगामी दिनमा पनि यस्ता सहयोगात्मक कार्यहरूलाई निरन्तरता दिने प्रतिबद्धता व्यक्त गरेका छन्। विद्यालय प्रशासनले बैंकको यो योगदानप्रति कृतज्ञता व्यक्त गर्दै विद्यार्थीहरूको पठनपाठनमा यसले सकारात्मक प्रभाव पार्ने विश्वास व्यक्त गरेको छ।

यसरी सिटिजन बैंक फत्तेपुर शाखाको सहयोगले विद्यालयको भौतिक पूर्वाधार सुधारमा टेवा पुगेको छ।

प्रकाशित मिति: २०२५-०४-०४ , समय : १७:३८:०८ , 19 hours अगाडि