सप्तरी प्रहरीद्वारा बरामद गरिएको झण्डै २४ क्विन्टल गाँजा नष्ट

श्रीकान्त यादब

राजविराज ।
सप्तरी प्रहरीले गत १९ फागुनमा बरामद गरेको झण्डै २४ क्विन्टल १९.५ किलो गाँजा शुक्रबार जलाएर नष्ट गरेको छ। सप्तरीको सदरमुकाम राजविराज नगरपालिका वडा न. ९ स्थित बाबा भुतनाथ मन्दिर छिर्ने गेटको छेउको घरमा रहेको गोदामबाट उक्त गाँजा बरामद भएको थियो।

जिल्ला प्रहरी कार्यालय सप्तरीले राजविराज नगरपालिका– १३ देउरीभरुवास्थित खाँडो खोलामा सरोकारवालाको रोहवरमा उक्त गाँजा नष्ट गरेको जिल्ला प्रहरी कार्यालय सप्तरीका प्रहरी प्रमुख एसपी ढकेन्द्र खतिवडाले जानकारी दिनुभयो ।

गाँजालाई पुरेर नष्ट गर्दा निकालेर लैजाने सम्भावना भएकाले जलाएर नष्ट गरिएको उहाले जानकारी दिनुभयो । गाँजा बरामद गरिएको घटनामा थप अनुसन्धान भइरहेको बताउँदै उहाले भन्नुभयो , ‘नियन्त्रणमा लिइएका व्यक्तिले दिएको बयानका आधारमा अनुसन्धान भइरहेको छ।’ पछिल्लोपटक सप्तरीको विभिन्न सिमावर्ति नाकाबाट अबैध गाजा तस्करी फष्टाएकाे स्थानीयहरु बताउँछन् ।

प्रकाशित मिति: २०२५-०३-२१ , समय : १६:११:४८ , 2 weeks अगाडि