मधेस प्रदेशका जिल्लाहरुमा एसईईकाे पहिलो दिन अंग्रेजी विषयको प्रश्न पत्र आउट

गामघर डेस्क

राजविराज । माध्यमिक शिक्षा परीक्षा (एसईई)को पहिलो दिन नै सप्तरी ,सिरहा सहित मधेस प्रदेशका जिल्लाहरुमा अंग्रेजी विषयको प्रश्न पत्र आउट भएको छ ।

परीक्षा सुरु भएको केहि बेरमै प्रश्न पत्र आउट भएको हो । प्रश्न पत्र कुन परीक्षा केन्द्रबाट आउट भएको कुरा खुल्न सकेको छैन ।
आज एसईई परीक्षा अन्तर्गत पहिलो दिन सुरु भएको अँग्रेजी विषयको प्रश्नपत्र परीक्षाको २० मिनेटमै आउट भएको छ ।

अँग्रेजी विषयको परीक्षा हलमा एक विद्यार्थीले मोबाईल मार्फत सो प्रश्नपत्र आउट गरेको पाईएको छ । हामीले प्राप्त गरेको प्रश्नपत्रमा एमपी लेखिएको छ ।
लेखिएको प्रश्नपत्र मधेश प्रदेशको रहेको छ । यद्यपी, कुन परीक्षा केन्द्रबाट आउट भएको भनेर खुलेको छैनन् ।
यस विषयमा बुझ्न सिरहा जिल्ला परीक्षा समन्वय समितिका संयोजक तथा प्रमुख जिल्ला अधिकारीको बासुदेव दाहालसँग सम्पर्क गर्दा हुन सकेन ।

यता परीक्षा मर्यादित बनाउन यस वर्ष परीक्षा केन्द्रहरूमा मोबाइल तथा अन्य चिटिङ गर्ने समानमा प्रतिबन्ध लगाएको छ । यद्यपि प्रश्न पत्र आउट भएको छ ।

प्रकाशित मिति: २०२५-०३-२० , समय : ०९:५८:३६ , 2 weeks अगाडि