होली खेल्ने क्रममा विवाद हुँदा जनकपुरमा छुरी प्रहारबाट एक युवकको मृत्यु
मिति: २०२५-०३-१५ , समय : २१:०५:५३ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम । होली खेल्ने क्रममा विवाद हुँदा मधेस प्रदेशकाे धनुषाको जनकपुरधाम उपमहानगरपालिका–२३ बिन्धी चोकमा छुरी प्रहारबाट एक युवकको मृत्यु भएको छ ।
मधेश प्रदेशका अधिकांश जिल्लामा शुक्रबार होली मनाइएको थियो । तर, जनकपुरधाममा भने शनिबार होली मनाइएको छ ।
जिल्ला प्रहरी कार्यालय धनुषाका अनुसार मृत्यु हुनेमा पप्पु यादवका १९ वर्षीय छोरा आँशु यादब छन् ।
प्रहरीले आँशुमाथि छुरी प्रहार गरेको आरोपमा जनकपुरधाम–२३ का २१ वर्षीय धर्मेन्द्र महतोलाई पक्राउ गरेको छ ।
जिल्ला प्रहरी कार्यालय धनुषाका प्रवक्ता डीएसपी बरुणकुमार सिंहले होली खेल्ने क्रममा रमाइलो गरिरहँदा विवाद भएपछि धर्मेन्द्रले आँशुमाथि छुरी प्रहार गरेको प्रारम्भिक अनुसन्धानबाट खुलेको जानकारी दिनुभयो । उहाँका अनुसार उक्त घटनाको थप अनुसन्धान भइरहेको प्रहरीले जनाएको छ ।
प्रकाशित मिति: २०२५-०३-१५ , समय : २१:०५:५३ , 3 weeks अगाडि
