कोशी प्रदेश : प्याराग्लाइडिङ दुर्घटना हुँदा एक जापानी नागरिकको मृत्यु

गामघर डेस्क

उदयपुर ।
कोशी प्रदेशको उदयपुरको बेलका नगरपालिका–८ बोक्ताङमा प्याराग्लाडिङ गर्ने क्रममा दुर्घटनामा परी एक जापानी नागरिकको मृत्यु भएको छ ।

जिल्ला प्रहरी कार्यालय उदयपुरका प्रमुख एसपी हरिहरनाथ योगीका अनुसार मृत्यु हुनेमा ७२ वर्षीय जापानी नागरिक काजी पाकासी रहेका छन् । उनकाे बिहीबार मृत्यु भएकाे हाे ।

मृत्यु भएका काजी पाकासीले बोक्ताङबाट आफैँले उडाएको प्याराग्लाइडिङ सप्तकोशी किनारमा रहेको फुटबल मैदानमा ल्याण्ड हुने क्रममा अचानक खसी घाइते भएका थिए । त्यसपछि उनलाइ उपचारको लागि विपी कोइराला स्वास्थ्य विज्ञान प्रतिष्ठान धरान घोपा लगिएको थियो ।

उपचारको क्रममा घोपामै उनकाे मृत्यु भएको एसपी योगीले जानकारी दिए । यता मृतक जापानीज नागरिककाे शव कानुनी प्रक्रिया पुरा गरेर पोष्टमार्टमका लागि टिचिङ अस्पताल काठमाडौं पठाइएको योगीले बताए ।

प्रकाशित मिति: २०२५-०२-०७ , समय : १०:५०:५० , १ दिन अगाडि