राजविराजमा होराइजन इंग्लिश एकेडेमीको उद्धघाटन

गामघर डेस्क

राजविराज । सप्तरीको राजविराज नगरपालिका वडा नं. ९ स्थित नहर चोकमा न्यू होराइजन इंग्लिश एकेडेमीको उद्धघाटन गरिएको छ । राजविराज नगरपालिका वडा न. ९ का वडाअध्यक्ष जमाहिर यादवबाट साे स्कूलको उद्धघाटन गरिएको हो ।
उद्धघाटन कार्यक्रममा बोल्दै वडाअध्यक्ष यादबले शिक्षाको परिवर्तनले मात्र समाजमा पनि परिवर्तन गर्न सकिने बताए। उनले यो वार्डमा गुणस्तरिय शिक्षाको खाँचो रहेको बताउँदै अन्तर्राष्ट्रिय स्तरको पठनपाठनका लागि होराइजन एकेडेमीको स्थापन भएकोमा सफलताको शुभकामना व्यक्त गरेका छन ।
२१ औँ शताब्दीमा प्रतिस्पर्धा गर्न सक्ने जनशक्ति उत्पादन गर्ने उदेश्यले विद्यालयको सरुवात गरिएको वडाअध्यक्ष यादबकाे कथन रहेको छ । उत्कृष्ट बालमैत्री प्ले स्कूल संचालन गर्न लागेकोमा खुशी व्यक्त गर्दै वडाअध्यक्षले गुणस्तरीय शिक्षा आजको आवश्यकता रहेको बताउँदै यस्ता प्ले स्कूलहरुले उत्कृष्ट तथा माटो सुहाउँदो शिक्षा दिनपर्ने बताए । यता सरस्वती पुजाकाे अबसरमा आयाेजित कार्यक्रममा सयौंको सहभागीता रहेको थियाे ।

प्रकाशित मिति: २०२५-०२-०४ , समय : ०८:४९:३३ , 2 months अगाडि