प्रेस सेन्टरको स्थापना दिवसकाे अबसरमा विद्यार्थीहरुलाई शैक्षिक सामग्री वितरण

गामघर डेस्क

राजविराज ।
प्रेस सेन्टर नेपालको २१ औं स्थापना दिवसको अवसरमा एक कार्यक्रम विच मंगलवार दलित समुदायका विद्यार्थीलाई शैक्षिक सामग्री वितरण गरिएको छ। सेन्टरको स्थापना दिवसको अवसरमा राजविराज नगरपालिका वडा नम्वर ९ का ४० जना विद्यार्थीलाई स्टेशनरी सामग्री वितरण गरिएको हो । दलित समुदायका बालबालिकाहरुलाई कापी, कलम लगायतका शैक्षिक सामग्री वितरण गरिएको छ। सेन्टरका जिल्ला अध्यक्ष विन्दु कुमार यादवको अध्यक्षतामा आयोजित शैक्षिक सामग्री वितरण कार्यक्रममा स्थानीय समाजसेवी सन्जु सिंह, महेन्द्र विन्देश्वरी क्यामपसको प्रध्यापक चन्देश्वर यादव,सेन्टरका उपाध्यक्ष कमान्नद माझी,महेन्द्र मण्डल,सेन्टरका सदस्य मनोज कुमार यादव ,पत्रकार रामनाथ यादव ,अस्थायी प्रहरी पोष्ट खर्साल टोलका वरिष्ठ प्रहरी हवलदार ललित चोरसिया लगायतका व्यक्तिहरुको सहभागीतामा सो सामग्री वितरण गरिएको थियो ।
यसैगरी प्रेस सेन्टरको स्थापना दिवसको अवसारमा राजविराजमा मंगलवार मैनवती प्रज्वलन गरिएको छ । सेन्टरद्वारा राजविराज स्थित रहेको दशन चौकमा मैनवती प्रज्वलन गरेको हो ।
प्रेस सेन्टर नेपाल सप्तरीका अध्यक्ष विन्दु कुमार यादवको नेतृत्वमा आयोजना गरिएको कार्यक्रममा राजविराज नगरपालिका वडा नम्वर ८ का वडाअध्यक्ष जय नारायण मण्डल,सेन्टरका दिनानाथ यादव,उपाध्यक्ष कमान्नद माझी,मनोज यादव लगायतकाहरुले मैनवती प्रज्वलन गरेको थियो ।

प्रकाशित मिति: २०२५-०१-२८ , समय : २१:४४:०७ , २ दिन अगाडि