हत्या आरोपमा सप्तरीको डाक्नेश्वरि १ का नवनिर्वाचित वडाध्यक्ष साह पक्राउ

गामघर डेस्क

राजविराज ।
सप्तरीको डाक्नेश्वरी नगरपालिका वडा न.१ का नवनिर्वाचित वडाध्यक्ष धीरेन्द्रकुमार साहलाई सप्तरी प्रहरीले पक्राउ गरेको छ। उपनिर्वाचनमा जसपा नेपालबाट वडाध्यक्षमा निर्वाचित साहलाई बिहीबार शपथग्रहण समारोहबाटै प्रहरीले पक्राउ गरेको हो।

कर्तव्य ज्यान मुद्दामा उनलाई नियन्त्रणमा लिएको जिल्ला प्रहरी कार्यालय सप्तरीका प्रहरी प्रमुख एसपी ढकेन्द्र खतिवडाले जानकारी दिनुभयो । डाक्नेश्वरीमा दुईजनाको हत्याको आरोप वडाध्यक्ष साहमाथि लागेको छ। अदालतले जारी गरेको परमादेशबाट उनीविरुद्ध मुद्दा चलेको हो। सप्तरी प्रहरीले वडाध्यक्ष साहलाई पक्राउ गरेको पुष्टि गर्दै अनुसन्धान भइरहेको जानकारी दिनुभयो ।

प्रकाशित मिति: २०२४-१२-०५ , समय : २२:५०:२५ , १ हप्ता अगाडि