सप्तरीबाट २४ जना फरार प्रतिवादी पक्राउ : तस्करीको आरोपमा २ जना पक्राउ

श्रीकान्त यादब

राजविराज ।
सप्तरीको राजविराज नगरपालिका वडा न.६ सखडा रोडबाट ३ लाख ९ हजार ६ सय ९५ रुपैँयाको अवैध कपडासहित दुई जनालाई प्रहरीले पक्राउ गरेको छ ।
यसरी पक्राउ पर्नेमा रूपनी गाउँपालिका वडा न.५का २६ बर्षीय चुनचुन यादव र राजगढ गाउँपालिका–२ का २८ बर्षीय संजय साह रहेको हो ।
शनिबार स ८ प ५२५३ नम्बरको मोटरसाईकलमा प्लाष्टिकको बोरामा राखिएको कपडा जाँच गर्दा भारतबाट अबैध रुपले भंसार छली ल्याएको मोटरसाइकलसँगै रहेका उनीहरूले स्विकारेको प्रहरीले जिल्ला प्रहरी कार्यालय सप्तरीका प्रवक्ता प्रहरी नायव उपरीक्षक जितेन्द्र कुमार बस्नेतले जानकारी दिनु भयो ।

यस्तै सप्तरी प्रहरीले २४ जना फरार प्रतिवादीलाई नियन्त्रणमा लिएको छ । बारदात पश्चात फरार रहेका प्रतिवादीलाई आइतबार प्रहरीको टोलीले गाउँघरबाटै नियन्त्रणमा लिएको हो ।
पक्राउ पर्नेमा चोरी, लेनदेन, कुटपिट, जालसाजी, शिक्षा सम्बन्धी र लागुऔषध कसुरको प्रतिवादी रहेको छ । उनीहरूमा पाँच रूपैयाँ जरिवानादेखि सात दिन कैदसम्मको प्रतिवादी रहेको जिल्ला प्रहरी कार्यालय सप्तरीका प्रवक्ता प्रहरी नायव उपरीक्षक जितेन्द्र कुमार बस्नेतले जानकारी दिनु भयो ।

प्रकाशित मिति: २०२४-१०-२८ , समय : १८:५८:४७ , २ महिना अगाडि