मधेस प्रदेश : एक युवक मृत फेला, हत्याको आशंका
मिति: २०२४-०८-११ , समय : ०८:०४:०३ , गामघर डेस्क
फाइल फाेटाे
गामघर डेस्क
जनकपुरधाम ।
मधेस प्रदेशको सर्लाहीको बरहथवा नगरपालिका– ८ टाँडीमा शनिबार एक युवक मृत फेला परेका छन्। टाँडीनिवासी श्यामबाबु साहका छोरा १९ वर्षीय मुन्ना साह मृत अवस्थामा फेला परेको सर्लाही प्रहरीले जनाएको छ।
गाउँनजिकै शैलेन्द्र रामको परालको भुस्सा राख्ने घरमा युवक मृत फेला परेको इलाका प्रहरी कार्यालय बरहथवाका प्रमुख एवं प्रहरी नायब उपरीक्षक गौतम थापाले जानकारी दिए।
मृतक मुन्नाको घाँटीमा चोट देखिएकाले घटना शंकास्पद रहेको उनले बताए।
मृतकको शव परीक्षणका लागि त्रिवि शिक्षण अस्पताल महाराजगन्ज काठमाडौं पठाएको छ।
यता साे घटनाकाे विषयमा अनुसन्धानका लागि एक युवतीलाई नियन्त्रणमा लिइएको जिल्ला प्रहरी कार्यालयका प्रहरी निरीक्षक बलिस्टर सिंहले जानकारी दिए। (रासस)
प्रकाशित मिति: २०२४-०८-११ , समय : ०८:०४:०३ , ५ महिना अगाडि
