सप्तरीको बरही बिरपुरकाे धान खेतमा इँटाभट्टाका मुन्सीको शव फेला

गामघर डेस्क

राजविराज । सप्तरीको छिन्नमस्ता गाउँपालिका वडा नं. १ बरही वीरपुरनजिक धानखेतमा एक जनाको शव फेला परेको छ।

सप्तरीको राजविराज–कुनौली सडकको छेउमा धानखेतमा सिरहाको लहान नगरपालिकाका ४५ वर्षिय पवनकुमार कर्णको शव घोप्टो परेको अवस्थामा फेला परेको सप्तरी प्रहरीले जनाएको छ।

जिल्ला प्रहरी कार्यालय सप्तरीका प्रहरी प्रमुख एसपी गजुसिद्धि बज्राचार्यले घटनास्थलमा प्रहरी पुगिसकेको र अनुसन्धान भइरहेको जनाएको छ । कर्ण घटनास्थलनजिकै रहेको निरज इँटाभट्टामा मुन्सीको रूपमा काम गर्दै आइरहेका थिए।

प्रकाशित मिति: २०२४-०८-०६ , समय : ११:२२:४४ , ५ महिना अगाडि