मधेश प्रदेश लोकसेवा आयोगको अध्यक्षमा सिरहाका शिवराम यादव नियुक्त
मिति: २०२४-०७-२६ , समय : ११:५६:०९ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम ।
मधेश प्रदेश लोकसेवा आयोगको अध्यक्षमा सिरहाका शिवराम यादव नियुक्त भएका छन् । मधेश सरकारको सिफारिसमा प्रदेश प्रमुख सुमित्रा सुवेदी भण्डारीले उनलाई मधेश लोकसेवा आयोगको अध्यक्षमा शुक्रबार नियुक्त गरेको हो ।
बिहीबार साँझ मुख्यमन्त्री सतिशकुमार सिंहले उनलाई मधेश लोकसेवा आयोगको अध्यक्षमा सिफारिस गर्न प्रदेश प्रमुख सुभित्रा सुवेदी भण्डारीलाई सिफारिस गरेका थिए ।
५७ वर्षीय यादव सिरहाको सिरहा नगरपालिका वडा नम्बर १३ गमहरिया निवासी हुन् ।
गत फागुनमा उमेर हदको कारण मधेश प्रदेश लोकसेवा आयोगका तत्कालीन अध्यक्ष सुरेन्द्र प्रसाद यादव पदमुक्त भएपछि सो पद रिक्त थियो ।
प्रकाशित मिति: २०२४-०७-२६ , समय : ११:५६:०९ , ५ महिना अगाडि
