सप्तरीको महादेवा गाउँपालिकाका जनप्रतिनिधि तथा कर्मचारीलाई लिजा सम्बन्धि अभिमुखिकरण तालिम

कमल मण्डल

हनुमाननगर । सप्तरीको महादेवा गाउँपालिकामा जनप्रतिनिधि तथा कर्मचारीलाई लिजा सम्बन्धि तिन दिने तालिम सुरु भएको छ ।
महादेवा गाउँपालिकाको आयोजना तथा एस के विशेषज्ञ परामर्शको सहजकर्तामा सुरु भएको तालिममा तिन दिनसम्म कुन्दन कुमार कर्णले प्रशिक्षण दिन सुरु गरेको हाे ।
शनिबारदेखि तिन दिन सम्म चल्ने कार्यक्रमको पहिलो दिनको कार्यक्रमको अध्यक्षता महादेवा गाउँपालिकाको अध्यक्ष सुनिलकुमार मण्डल, विशिष्ट अतिथि उपाध्यक्ष अर्चना कुमारी यादव, विशिष्ट अतिथि कुन्दन कुमार कर्ण, त्यस्तै अतिथिको रुपमा छ वटै वडाको अध्यक्ष तथा कार्यपालिकाको सम्पूर्ण सदस्यहरुको उपस्थित रहेको थियोे ।
राष्ट्रिय गानबाट शुरु भएको कार्यक्रममा सहिद प्रति मौनधारण र उपस्थित सम्पूर्णलाई फुलको माला, अबिर सँगै खादा लगाएर सम्मान गरेका थिए ।
जनस्वास्थ्य अधिकृत ब्रस्पति रामद्वारा कार्यक्रममा स्वागत मन्तव्य राखेका थिए । पहिलो चरणको कार्यक्रमको समापन पछि दोस्रो सत्रको कार्यक्रममा डाक्नेश्वरि नगरपालिकाको प्रमुख प्रशासकीय अधिकृत समेत रहेका कुन्दन कुमार कर्णले प्रशिक्षणको कार्यक्रम सुरु गरेका थिए ।

प्रकाशित मिति: २०२४-०६-२३ , समय : ०९:४०:४२ , 10 months अगाडि