मधेस प्रदेश : अज्ञात समूहद्वारा गोली प्रहार गरि क्याम्पस प्रमुखको हत्या

गामघर डेस्क

जनकपुरधाम । मधेस प्रदेशको बाराको रामराजा बहुमुखी क्याम्पसका प्रमुख हरिभूषण कुशवाहाको गोली प्रहारबाट हत्या भएको छ । कुशवाहाको शुक्रबार साँझ अज्ञात समूहले गोली हानी हत्या गरेको प्रहरीले जनाएको छ ।

जिल्ला प्रहरी कार्यालय बाराका हत्यामा संलग्नको खोजी कार्य जारी रहेको छ । उनीमाथी आदर्शकोतवाल गाउँपालिका ३ स्थित भतिनिया क्षेत्रमा अज्ञात समूहले गोली प्रहार गरेको बताइएको छ ।

घाइते भएका उनलाई उपचारका लागि न्यूरो अस्पताल लगिएकोमा अस्पतालले मृत घोषणा गरेको हो ।

यता साे घटनामा संलग्न रहेको आरोपमा प्रहरीले दुई जनालाई पक्राउ गरेको बताइएको छ ।

प्रकाशित मिति: २०२४-०६-१४ , समय : २१:५७:०९ , ६ महिना अगाडि