मधेस प्रदेश : जिल्ला प्रहरी कार्यालय सिरहाभित्र मृत भेटिइन् प्रहरी जवान करिष्मा

गामघर डेस्क

सिरहा ।
मधेस प्रदेश स्थित जिल्ला प्रहरी कार्यालय सिरहाभित्र एक महिला प्रहरी जवान मृत भेटिएकी छन् ।

कार्यालयको महिला तथा बालबालिका सेलभित्र प्रहरी जवान करिष्मा सुनार मृत भेटिएकी हुन् ।

सुनार अपराह्न ४ बजेतिर शौचालयमा झुण्डिएको अवस्थामा फेला परेको सिरहाका एसपी रमेश पण्डितले जानकारी दिए । उनले भने, ‘यसबारे थप अनुसन्धान भइरहेको छ ।’

यता प्रहरीले स्थानीयवासी र पत्रकारलाई कार्यालय प्रवेशमा रोक समेत लगाएको थियोे ।

प्रकाशित मिति: २०२४-०६-१४ , समय : ०८:२९:३५ , ६ महिना अगाडि