सप्तरीबाट अबैध लागुऔषधसहित तीन जना युवक पक्राउ

गामघर डेस्क

राजविराज ।  सप्तरीको तिलाठी कोइलाडी गाउँपालिका वडा न.५ टिकुलियाबाट तीन जना युवकलाई सशस्त्र प्रहरीले अबैध लागुऔषधसहित पक्राउ गरेको छ ।

पक्राउ पर्नेहरुमा सप्तरी हनुमाननगर कंकालिनी नगरपालिका वडा न.१ भारदहका २४ वर्षीय दिपककुमार मण्डल, १८ वर्षीय राजकुमार मुखिया र २३ वर्षीय आनन्द मुखिया छन् । तिनै जनाले भारतीय बजार कुनौलीबाट प्रतिबन्धित लागुऔषध ल्याइरहेको सूचनाका आधारमा सशस्त्र प्रहरीले चेकजाँचका क्रममा पक्राउ गरेको हो । 

पक्राउ परेकाहरुको साथबाट प्रोमेगाजिन हाइड्राक्लोराइड इन्जेक्नस २४ थान, डाइजेपाम इन्जेक्नस २४ थान र लेजिसिक २४ थान बरामद भएको सशस्त्र प्रहरी सीमा सुरक्षा गण राजविराजका प्रमुख सशस्त्र प्रहरी उपरीक्षक धनबहादुर सिंहले जानकारी दिनुभयो । यता पक्राउ परेकाहरुलाई आवश्यक कारबाहीका लागि नेपाल प्रहरीको जिम्मा लगाएकाे सशस्त्र प्रहरीले जनाएको छ।स्मरण रहाेस , पछिल्लोपटक सप्तरीको विभिन्न सिमावर्ति नाकाबाट युवाहरुले अबैध लागुअाेषध अाेसार पाेसार खुल्लेअाम रुपमा गर्दै अाएकाे स्थानीयहरु बताउँछन् ।

प्रकाशित मिति: २०२४-०३-२२ , समय : २०:४३:१८ , १० महिना अगाडि