जसपा नेपालकी प्रतिनिधिसभा सांसद् अन्सारीको ६० बर्षमा निधन

गामघर डेस्क

काठमाडौँ । जनता समाजवादी पार्टीको तर्फबाट प्रतिनिधिसभा सांसद् रहेकी मञ्जु शर्मा अन्सारीको निधन भएको छ । ६० वर्षीय सांसद् अन्सारीको उपचारका क्रममा काठमाडाैँस्थित सिभिल अस्पतालमा निधन भएको हो ।

उनी जसपाबाट समानुपातिक निर्वाचन प्रणालीबाट २०७९ साल चैत १९ गते प्रतिनिधिसभा सदस्य पद भएकी थिइन् । प्रतिनिधिसभा सदस्य शहनाज रहमानको २०७९ फागुन १३ गते निधन भएपछि उक्त स्थानमा अन्सारीलाई सांसद् बनाइएको थियो ।

२०४६ सालको आन्दोलनदेखि राजनीतिक यात्रा सुरुवात गरेकी उनी सद्‌भावना पार्टीमा आबद्ध भई २०४६ साल देखि २०५६ सम्म उपत्यका महिला इन्चार्जसमेत भएकी थिइन् । उनको जन्म २०२० साल माघ १९ गते भएको थियो ।

प्रकाशित मिति: २०२४-०३-१७ , समय : १३:१०:३८ , १० महिना अगाडि