मधेश प्रदेश :भारतको मुम्बईबाट ८ जना बालकको प्रहरीद्वारा उद्दार
मिति: २०२४-०३-१५ , समय : १२:३३:०८ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम ।
मधेस प्रदेशको बारा प्रहरीले मुम्बई पुगेका आठ जना नेपाली बालकहरूको उद्दार गरेको छ ।
विभिन्न मितिमा छिमेकी राष्ट्र भारतको मुम्बईमा गई मजदुरी गरेर बसेका बालबालिकाहरूलाई उद्धार गरिएको जिल्ला प्रहरी कार्यालय बाराले जनाएको छ ।
प्रहरीका अनुसार उद्धार गरिएका बालकहरु १३ देखि १७ बर्ष मुनिका रहेका छन् ।
उनीहरुमध्ये रौतहटका ७ जना र कपिलवस्तु जिल्लाका एकजना रहेको बाराका प्रहरी प्रवक्ता डिएसपी दधिराम न्यौपानेले बताए ।
उनका अनुसार उद्धार गरिएका बालकहरूलाई बाल कल्याण समिति, बाल हेल्पलाइन लगायत सम्बन्धित विभिन्न संघ संस्थाहरु र जिल्ला प्रहरी कार्यालय बारा समेतको सहकार्यमा उद्दार गरिएको छ ।
उद्दार गरिएका उनीहरूलाई अभिभावकको जिम्मा लगाइएको न्यौपानेले बताए ।
प्रकाशित मिति: २०२४-०३-१५ , समय : १२:३३:०८ , ९ महिना अगाडि
