मधेस प्रदेश : साइकल यात्रीलाई ठक्कर दिने बसमा स्थानीयद्वारा आगजनी

गामघर डेस्क

जनकपुरधाम ।
मधेस प्रदेशको सर्लाहीमा साईकल यात्रीलाई ठक्कर दिने बसमा स्थानीयबासिहरुद्वारा आगजनी गरेका छन् ।

साईकल यात्री कविलासी नगरपालिका १० सलेमपुरमा स्थानीय जुगल महतो गम्भीर घाइते भएपछि ठक्कर दिने बसलाई स्थानीयले जलाएको हो ।

नवलपुर मलंगवा सडक खण्ड अन्तर्गत मलंगवा तर्फ जाँदै गरेको ग २ ख १४४० नम्बरको बसले आज बिहान साढे १० बजे उनलाई ठक्कर दिएको हो । घटना लगतै स्थानीयले बसमा आगजानी गरेको प्रहरीले जनाएको छ । बसमा पूर्णरुपले क्षति पुगेको छ ।

यता महतोको उपचार प्रादेशिक अस्पताल मलंगवामा भइरहेको छ । घटना विषयमा थप अनुसन्धान गरिरहेको जिल्ला प्रहरी कार्यालय सर्लाहीले जनाएको छ ।

प्रकाशित मिति: २०२४-०३-११ , समय : १३:१४:१२ , 1 year अगाडि