कोशि प्रदेश : ट्रक पल्टिँदा ३ जना बालबालिका च्यापिए
मिति: २०२४-०२-२३ , समय : ११:३२:२२ , गामघर डेस्क
तस्बिर : सामाजिक सन्जालबाट
गामघर डेस्क
विराटनगर । कोशि प्रदेशको मोरङको बुढीगंगा गाउँपालिका–४ मा भारतीय नम्बर प्लेटको मालवाहक ट्रक पल्टिँदा तीन बालबालिका च्यापिएका छन् ।
मार्बल बनाउने ढुङ्गा बोकेको आर.जे. २९ जी.बी. १५६१ नम्बरको ट्रक पल्टिदा ट्रकमा लोड गरिएको मार्बलले तीन जनालाई किचेको थियो । उनीहरुको उद्धारको प्रयास जारी छ ।
ढुंगाले किचिएका बालबालिकाको पहिचान खुल्न बाँकी रहेको जिल्ला प्रहरी कार्यालय मोरङका डिएसपी रञ्जनकुमार दाहालले जानकारी दिए । प्रहरीले उद्धारको प्रयास गरिरहेको उनले बताए ।
यता प्रहरीका अनुसार मार्बलको कच्चा पदार्थ बोकेको ट्रक बुढीगंगाको जेएनजे मार्वल उद्योगमा लागि आएको थियो ।
प्रकाशित मिति: २०२४-०२-२३ , समय : ११:३२:२२ , 1 year अगाडि
