सप्तरीको कञ्चनरुपबाट अवैध लागूऔषध गाँजा सहित २ जना युवक पक्राउ
मिति: २०२४-०१-२६ , समय : १९:४५:२४ , गामघर डेस्क
तस्बिर : सामाजिक सन्जालबाट
गामघर डेस्क
राजविराज । सप्तरीको कञ्चनरुप नगरपालिका वडा न. ७ आदर्श टोलबाट अवैध लागूऔषध गाँजा सहित २ जना युवक पक्राउ परेका छन् ।
सप्तरीको तिलाठी कोईलाडी गाउँपालिका वडा न.६ बस्ने ३१ वर्षीय सचिन यादव र अजय प्रसाद यादवलाई ८ किलो अबैध लागूऔषध गाँजा सहित प्रहरीले पक्राउ गरेको हाे ।
प्रहरी चौकी धरमपुरबाट खटिएको प्रहरीले को. २५ प ७०२४ नम्बरको मोटरसाइकल जाँच गर्ने क्रममा मोटरसाइकलमा सवार उनीहरूलाई उक्त गाँजासहित पक्राउ गरेको सप्तरी प्रहरीले जनाएको छ । यता पक्राउ गरेका दुवै युवकमाथि अावश्यक अनुसन्धान कार्य भइरहेको जिल्ला प्रहरी कार्यालय सप्तरीले जनाएको छ ।
प्रकाशित मिति: २०२४-०१-२६ , समय : १९:४५:२४ , 1 year अगाडि
