सप्तरीमा घुर ताप्ने क्रममा आगो लागेर एक महिलाको मृत्यु

गामघर डेस्क

राजविराज । सप्तरीमा जाडो छल्न घुर ताप्ने क्रममा आगोमा जलेर एक महिलाको मृत्यु भएको छ । सप्तरीको तिरहुत गाउँपालिका वडा न. ५ मुसहरी टोलकी ३५ वर्षीया सोनिलादेवी सदाको जलेर मृत्यु भएको सप्तरी प्रहरीले जनाएको छ ।

घर अगाडि बालेको घुर ताप्ने क्रममा कपडामा आगो सल्किएर गम्भीर घाइते भएकी थिइन् । उनको तत्काल राजविराज स्थित गजेन्द्रनारायण सिंह अस्पतालमा उपचारको लागि लगिएको तथा उपचारको क्रममा मृत्यु भएको जिल्ला प्रहरी कार्यालय सप्तरीले जनाएको छ ।
यता साे घटनाकाे सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ । स्मरण रहाेस , पछिल्लो केही दिन यता सप्तरी सहित तराई मधेशका जिल्लाहरुमा अत्यधिक चिसाे बढेको छ ।

प्रकाशित मिति: २०२४-०१-१३ , समय : २०:३६:३० , 1 year अगाडि