जसपा नेपालको महाधिवेशन आगामी जेठ महिनामा हुने

गामघर डेस्क

राजविराज ।
जनता समाजवादी पार्टी (जसपा)ले महाधिवेशन आगामी जेठ अन्तिममा गर्ने भएको छ ।

शुक्रबार सकिएको केन्द्रीय कार्यसमितिको बैठकले आगामी जेठ २८, २९ र ३० गते जनकपुरधाममा गर्ने निर्णय गरेको हो ।
धनुषामा पार्टीको महाधिवेशन गर्ने निर्णय भएको प्रवक्ता मनिष सुमनले जानकारी दिनुभयो ।

जसपा नेपालले माघ ३ गते मधेश दिवस र ५ गते वलिदान दिवस मनाउने निर्णय समेत भएको प्रवक्ता सुमनले बताउनुभयो ।

प्रकाशित मिति: २०२४-०१-१२ , समय : २०:५९:५८ , १ वर्ष अगाडि