सप्तरीमा टेम्पु दुर्घटना हुदा अाठ जना घाइते

गामघर डेस्क

सप्तरी । सडकमा खेलीरहेका बच्चालाई बँचाउन खोज्दा टेम्पू दुर्घटना भएको छ ।

आइतबार राती सप्तरीको बोदेबर्साइन नगरपालिका २ जोगिया स्थित बिसनपुर बोदेबर्साइन सडक खण्डमा उत्तरबाट दक्षिणतर्फ आँउदै गरेको प्र.२-०१-००१ ह १०१५ नम्बरको टेम्पु बाटोमा खेलिरहेको २ वटा बच्चालाइ बचाउने क्रममा अनियन्त्रित भई दुर्घटनामा परेको जिल्ला प्रहरी कार्यालय सप्तरीले जनाएको छ ।

दुर्घटनामा परेर ८ जना घाइते भएको जिल्ला प्रहरी कार्यालय सप्तरीका डिएसपि एव प्रबक्ता नरेश कुमार सिंहले जानकारी दिनुभयाे ।

टेम्पो दुर्घटना हुँदा जिल्लाकाे बोदेबर्साइन नगरपालिका वडा न.५ जाजर बस्ने ४० वर्षीया सैफुल, वडा नं.१० खडकपुर बस्ने ३० वर्षीय दशरथ ठाकुर, वडा नं.७ हैठि बस्ने ३५ वर्षीया फुलकुमारी राम, टेम्पु चालक खडक नगरपालिका ८ बिशनपुर बस्ने २४ वर्षीय कृष्ण चौधरी, बोदेबर्साइन ८ काचन बस्ने ८ वर्षीय कृष्ण साह, वडा नं.९ देउरी बस्ने ३८ वर्षीय गौरी देवी साह, ३९ वर्षीय योगेन्द्र प्रसाद साह र वडा नं.८ काचन बस्ने १५ वर्षीया बुचि कुमारी साह घाइते भएका छन् ।                यता साे घटनाको सम्बन्धमा थप अावश्यक अनुसन्धान कार्य भइरहेको प्रहरीले जनाएको छ ।

प्रकाशित मिति: २०२३-०२-२० , समय : १४:०४:०७ , २ वर्ष अगाडि