पत्रकार यादवलाई पुत्रीलाभ :छाेरा र छाेरीमा भेदभाव नगर्न आग्रह
मिति: २०२३-१२-२० , समय : ०७:२१:११ , गामघर डेस्क
तस्बिर : सामाजिक सन्जालबाट
गामघर डेस्क
राजबिराज ।
पब्लिक प्रेस दैनिकका प्रकाशक, सम्पादक तथा प्रेस चाैतारी नेपाल सप्तरी शाखाका सदस्य पत्रकार नवीन निर्भय यादवलाई पुत्रीलाभ भएकाे छ । साेमबार बिहान ८:४० बजेकाे समयमा राजबिराज स्थित छिन्नमस्ता अस्पतालमा यादवपत्नी रंजनाले जन्म दिएकी हुन् ।
नर्मल डेलिभरीबाट जन्म भएकी नाबालिका यादव दम्पतिकाे पहिलाे स्तान हाे । पुत्रीलाभले आफू हर्षित भएकाे भन्दै पत्रकार यादवले भने छाेरा र छाेरीमा कुनैपनि भेदभाव गर्नुहुन्न, विभेदीकरणकाे अन्त्य गर्न हामीले समाजलाई सचेत गराउदै जानुपर्छ ।
अस्पतालमै पुगेर नेपाल कम्युनिष्ट पार्टी एमाले जिल्ला सचिव देवनाथ यादव, प्रहरी निरिक्षक प्रमाेद खड्का, इन्सेक सप्तरी प्रतिनिधि मनाेहर पाेखरेल लगायतले पुत्रीलाभकाे धन्यवाद दिएका थिए । बच्चा र आमाको स्वास्थ्य सकुसल रहेकाे महिला तथा स्त्री बिभागकाे डाक्टर संदिप साहले बताए ।
मंगलबार अस्पतालले डिस्चार्ज गरेपछि जिल्लाकै तिलाठी काेइलाडी गाउँपालिका ५ स्थित बभनगामा घर पुगेकाे यादवले जानकारी दिइएकाे छ ।
प्रकाशित मिति: २०२३-१२-२० , समय : ०७:२१:११ , १२ महिना अगाडि
