मधेस प्रदेश : ब्राउनसुगरसहित दुई युवक पक्राउ

गामघर डेस्क

सिरहा ।
मधेस प्रदेशको सिरहाबाट लागूऔषध ब्राउनसुगरसहित दुई युवक पक्राउ परेका छन् । पक्राउ पर्नेमा सिरहाको मिर्चैया नगरपालिका ५ का १८ वर्षीय रुपेश पासवान र २४ वर्षीय कृष्णा कुमार यादव रहेको सिरहाका प्रहरी प्रवक्ता डिएसपी रविन्द्रराज पाण्डेले जानकारी दिनुभयो ।

उनका अनुसार दुबैजनाको साथबाट एक ग्राम ७२ मिलग्राम ब्राउनसुगर बरामद भएको छ । बुधबार अपराहन्न साढे ४ बजेको समयमा सिरहा नगरपालिका १७ माडर बसपार्कमा ईलाका प्रहरी कार्यालय माडरको टोलिले शंका लागेर चेकजाँच गर्दा दुबैजनालाई ब्राउनसुगरसहित पक्राउ गरेको हो । दुबैजनामाथि थप अनुसन्धान गरिरहेको जिल्ला प्रहरी कार्यालय सिरहाले जनाएको छ ।

प्रकाशित मिति: २०२३-१२-१४ , समय : १३:१२:२० , १ वर्ष अगाडि