सप्तरीमा ट्र्कको ठक्करबाट एक जनाको मृत्यु ,स्थानीयद्वारा पुर्वपश्चिम राजमार्ग अवरुद्ध

गामघर डेस्क

राजविराज ।
सप्तरीको सुरुङ्गा नगरपालिका वडा न. ४ स्थित कदमाहामा पुर्व पश्चिम राजमार्ग अन्तर्गत शनिबार ट्र्कले मोटरसाइकललाई ठक्कर दिँदा एक जनाको मृत्यु भएको छ ।
दुर्घटनामा मोटरसाइकल चालक सप्तरीको सुरुङ्गा नगरपालिका वडा न.–४ का स्थानीय ३५ वर्षीय मो. हारुनको घटना स्थलमै मृत्यु भएको हो ।
पुर्वबाट पश्चिम तर्फ जाँदै गरेको म.प्र.०१–००१ ख ०३६७ नम्बरको ट्रकले विपरीत दिशाबाट आउँदै गरेको अनटेस्ट मोटरसाइकललाई ठक्कर दिँदा मोटरसाइकल चालकको मृत्यु भएको सप्तरीका प्रहरी प्रवक्ता एव डिएसपी ढुण्डीराज नेउपानेले जानकारी दिनुभयो ।
मृतक हारुनको शव परिक्षणका लागि गजेन्द्रनारायण सिंह अस्पताल राजविराज ल्याइएको तथा ट्र्क र चालकलाई नियन्त्रणमा लिइ आबश्यक अनुसन्धान अगाडि बढाइएको सप्तरीका प्रहरी प्रवक्ता डिएसपी नेउपानेले सञ्चारकर्मीलाई जानकारी दिनुभयो ।
यता दुर्घटना पश्चात् आक्रोशित स्थानीयबासी र आफन्तले केहिबेर पुर्वपश्चिम राजमार्ग समेतअवरुद्ध गरेका थिए ।

प्रकाशित मिति: २०२३-१२-०२ , समय : १४:३२:५५ , 1 year अगाडि