मधेस प्रदेश : ब्राउन सुगरसहित दुई जना युवक पक्राउ
मिति: २०२३-१२-०१ , समय : ०९:३८:३७ , गामघर डेस्क
तस्बिर : सामाजिक सन्जालबाट
गामघर डेस्क
लहान ।
मधेस प्रदेशको सिरहाबाट लागूऔषध ब्राउनसुगरसहित दुई युवकलाई प्रहरीले पक्राउ गरेको छ । बुधबार राति करिब ९ बजे ४ ग्राम ब्राउनसुगर र डिजिटल तराजुसहित लहान नगरपालिका १ लोकतन्त्रचोकबाट दुईजनालाई प्रहरीले पक्राउ गरेको हो ।
पक्राउ पर्नेमा सिरहाको लहान नगरपालिका वडा न.११ बस्ने ३२ वर्षीय संजय चौधरी र २० वर्षीय अभिशेष चौधरी रहेको सिरहाका प्रहरी प्रवक्ता एव डिएसपि रविन्द्रराज पाण्डेले जानकारी दिनुभयो ।
शंका लागेर चेकजाँच गर्दा दुबैजनाको साथबाट ब्राउन सुगर र डिजिटल तराजुसहित इलाका प्रहरी लहानको टोलिले नियन्त्रणमा लिएको थियो ।
दुबैजनामाथि सिरहा जिल्ला अदालतबाट १० दिनको म्याद थप गराई ईलाका प्रहरी लहानको हिरासतमा राखेर थप अनुसन्धान गरिरहेको जिल्ला प्रहरी कार्यालय सिरहाले जनाएको छ ।
प्रकाशित मिति: २०२३-१२-०१ , समय : ०९:३८:३७ , १ वर्ष अगाडि
