मधेश प्रदेश :फोहोरमा जुम्ल्याह नवजात शिशुको शव फेला

गामघर डेस्क

जनकपुर ।
मधेस प्रदेशको सर्लाहीमा फोहोरमा नवजात जुम्ल्याह शिशुको शव फेला परेको छ ।

मलंगवा नगरपालिका ९ स्थित सडक छेउमा थुपारिएको फोहोरको थुप्रोमा अन्दाजी ५÷६ महिनाजतिको देखिने मृत जुम्ल्याह शिशुको शव फेला परेको प्रहरीले जनाएका छन् ।

बाटो हिँडने बटुवाले शिशुको शव देखेपछि प्रहरीलाई खबर गरेको प्रहरी प्रवक्ता प्रहरी नायव उपरीक्षक दीपेन्द्र पञ्जियार थारुले जानकारी दिए ।

शवलाई पोष्टमार्टमका लागि प्रादेशिक अस्पताल मलंगवामा राखिएको छ भने शिशु फाल्नेको खोजी सुरु गरिएको डिएसपी थारुले बताए ।

यस सम्बन्धमा थप अनुसन्धान भइरहेको प्रहरीले जनाएका छन् ।

प्रकाशित मिति: २०२३-११-२७ , समय : १६:२७:३३ , १ वर्ष अगाडि